《柑桔媽媽 X Young Living 左手香膏工作坊》 – Time Auction 跨企業義工周 2025 已於12月13日舉行之柑桔媽媽左手香膏工作坊，由照顧者與SEN青年人帶領下一同製作，別具有意義；並同時加做香膏捐贈弱勢家庭，分享愛與共融。
柑桔媽媽 X Young Living 左手香膏工作坊
【由「被照顧者」到「帶領者」🌿融樂同行 ‧ 左手香膏工作坊】
感謝大家參與融樂同行 ‧ 左手香膏工作坊，亦將掌聲送比一班勇敢踏出舒適圈嘅自閉症學童👏
儘管喺溝通同肢體動作上面臨唔同嘅挑戰，佢哋仍嘗試突破自己，親身示範並帶領一眾義工製作可舒緩肌膚不適嘅天然左手香膏，展現潛能、建立自信，亦邁出融入社會嘅重要一步💪每位參加者更將喜愛嘅YL精油加入香膏，其中一份更會捐贈比弱勢家庭中嘅自閉症青年使用，以行動傳遞關懷同愛意💚
藉著由 Time Auction 同 MTR 聯合主辦、香港交易所合作支持嘅「#跨企業義工週」，大家亦有機會同來自其他企業嘅義工一齊服務社群，交流互動，結識志同道合嘅朋友🌐期待下次義工活動再與大家相聚✨！